05 Дек ИНТЕРЕН ОГЛАС БРОЈ 01/2025 за унапредување на 1 (еден) административен службеник во Установата Медицински симулациски центар

Врз основа на член 30 став 1, член 40 ,41 и 42 од Законот за административни службеници („Службен весник на Република Северна Македонија“ бр.144/2025), Установата Медицински симулациски центар објавува:

ИНТЕРЕН ОГЛАС БРОЈ 01/2025 за унапредување на 1 (еден) административен службеник во Установата Медицински симулациски центар

Установата Медицински симулациски центар објавува интерен оглас за унапредување на 1 (еден) административен службеник за следново работно место: 

1. УПР 01 01 Б01 000 Раководител на сектор за општи и заеднички работи  во Сектор за за општи и заеднички работи  – 1 (еден) извршител        

Општи услови:

– да е државјанин на Република Северна  Македонија, 

– активно да го користи македонскиот јазик, 

– да е полнолетен, 

– да има општа здравствена способност за работното место 

Посебни услови:

Степен и вид на образование: со стекнати 240 кредити според ЕКТС или завршен VII/1 степен, факултет од областа на општествени науки

Работно искуство во струката: најмалку 5 години работно искуство

Други професионални квалификации, способности и вештини и посебни лични квалитети: 

• познавање странски јазик,

• работа со компјутери, 

• комуникациски, аналитички способности, способности за организирање и координација на активности, лојалност, доверливост, способност за тимска работа, способност за работа под притисок.

Распоред на работно време:

– Работни денови – од понеделник до петок

– Работни часови неделно – 40 часа 

– Работно време од 07:30 до 15:30

На интерниот оглас може да се јави административен службеник вработен во Установата Медицински симулациски центар, кој ги исполнува општите и посебните услови за пополнување на работно место пропишани за соодветно ниво со Законот за административни службеници и со Правилникот за систематизација на работните места во Установата Медицински симулациски центар.

Рокот за поднесување на пријавата со доказите трае 5 (пет) дена од денот на објавување на веб страната на Установата Медицински симулациски центар.

Потребно е кандидатот да поднесе пријава на службената електронска адреса на Установата Медицински симулациски центар msc@zdravstvo.gov.mk 

Пополнетата пријава, како и доказите за податоците содржани во пријавата потребно е во рок од 5 (пет) дена од денот на објавувањето на интерниот оглас, во хартиена форма да се достават  во архивата на Установата Медицински симулациски центар.

Во пријавата кандидатите се должни под материјална и кривична одговорност да потврдат дека податоците во пријавата се точни, а доставените докази верни на оригиналот.Кандидатот кој внел лажни податоци во пријавата или за кој се утврди дека внел лажни податоци ќе биде дисквалификуван од натамошната постапка по овој оглас.